دمع وضحك:محكي للشاعر سليمان ابو لطفي وسوف من سوريا

احد مبارك عليكم دمع و ضحك شو في بصدري هموم مابحكي مخبى دموعي بدروة الضحكي مهما علينا جارت الايام همي لغير الرب مابشكي مهما علينا جارت الايام منبقى على فرشة امل مننام حملنا التعب والشقا والالام خلص العمر ولا حلت البركي ياليل يامستر عيوب الناس والناس ربي خالقن اجناس في ناس بيعيشوا بلا احساس وفي ناس حملك عليهم بتركي ومنهم فيك بيشمتوا ان شافوك واقع بضيقه عوض ما يواسوك وفي ناس مثل العين بيداروك بيبكوا اذا شافوك عم تبكي مشوار جينا ع الدني زوار ضعاف فينا بتلعب الأقدار الله بيقهر كل شقي جبار لو كان عندو مراوغه وحنكي لاحيل فينا ظل لا قوي ولا عزم عنا بقي ولا مروي ياقمر ليل حبايبي ضوي دمع وضحك عشنا العمر شركي ٢٠٢٣/٥/٢١ سليمان ابو لطفي وسوف