اشتقنا نفرح ونغني:محكي للشاعر مازن برهان قاسم من سوريا
**** اشتقنا نفرح ونغني ....
اشتقنالك يا فرحتنا .... واشتااااق القلب
للاياااام ال جمعتنا .... ورفقات الدرب
***
للأوف وللعتاااااااابا ... و عا لله تعود
والميجانا وسكاااابا ... ونغمات العود
للضيعة وكل بوااابا ... وكل الحدود
والصبايا وشباااااابا ... شرق وبالغرب
***
اشتقنا بربوع الغووطة ... نعمل سيرااااان
دبكة ورقصة وزلغوطة ... بحضن البستان
ومتل ابن بطووووطة ... نزوووور الخلان
وفرحتناااا يعلا صوتا ... ويهوون الصعب
***
اشتقنا نفرح ونغني ... ونعيف الهم
عنك أسأل وعني ... بلهفة تهتم
اشتقنا نبارك ونهني ... والشمل نلم
وبمحبة تقرب مني ... ويجمعنا الحب
***
انشالله الآيام الجاية ... تروق الاحوال
وفرحتنا ال مخباااية ... تكيد العزااال
وبنوصل للنهااااااااية ... وبيهدا البااال
وسورية بترجع آية ... بَجاااااااه الرب
تعليقات
إرسال تعليق