بلوز الزهري:محكي للشاعر جرجس نخله حبيب من سوريا
بلوز الزهري
ياأم بلوز الزهري
بنظره كسرتيلي ضهري
كل مابشوفك لابسته
بطق وبفقع من قهري
غيرك ماعندي غالي
وحبك شاغلي بالي
ومسهرني الليالي
لازم نتلاقا دغري
طول غيابك جنني
واخد عقلاتي مني
لحظه لو غبتي عني
اللحظه أطول من شهري
خطرت عابالي فكره
نتلاقا ونعمل سكره
دخلك لاقيني بكرا
بجيكي راكب ع مهري
بدك لالدغري والحق
عذبتيني وراسي طق
قلبك لاحن ولارق
قاسي أقسى من دهري
الشاعر جرجس حبيب
تعليقات
إرسال تعليق