ضيعتي:محكية للشاعر احمد دلول من سوريا

ضيعتي شو غيرك حتى تغيرتي ياضيعتي ياريت ما كبرتي كنتي صغيري وكان يحلى العيش عودي صغيري متل ما كنتي كان فيكي الحب يتجلى حكايه عضو الكاز نتسلى وجدي لستي كان بيقلى حاجي سهر يافطيم ما تعبتي بكانون كان الوحل والامطار والجار خيك والزمن لو جار وضو المشربك حاملو ختيار مالان عودو لو اتعكزتي قومي لنخبز رح ببان النور كماج وخبز والنار بالتنور ونسخن الاكلات عا الببور نفطر سوا وياريت ما عجنتي ياجارتي ع الحب ربي يعين كم يوم ع الدردار والسلبين ننسى البرد ونقول لكوانين لولا الثلج يا ارض ما عمرتي كان الفرح لكل ضيعتنا والحزن يجمع كل قريتنا عا الخير والاحزان لمتنا كتف بكتف وابنك اخو بنتي خبريني اليوم شلي صار وكل واحد راح في دوار كذب ودجل والحال كالدولار من هالوضع ريتك تعلمتي وين الصدق قولي والمحبي عملنا نفسنا للبشر لعبي يرحم زمان اللحم والكبي بيضه وملح محسودي لو كلتي