كل شي تبدل وتحول:محكي للشاعر مازن برهان قاسم من سوريا

** كل شي تبدّل وتحوّل .... حلّـي عـنـي وعيفيني .. يـا بـنـت الـنـاس ٱذااااارك بتشــريني .. صعـبـة ينـقــاس ** أنت البسمة والفرحـة .. وعـبـير الـورد بتليق عليكي الطرحة .. وليـالـي السعـد قـولـي كلماتك مزحة .. ولا تقـولي جـدّْ ما بيتحمّـل هالمزحة .. قلـبي الحسّـاس ** من لمّا كـنـتِ صغـيــرة .. ودّعتْ الحب وقلبي من نــار الغـيـرة .. غيّر هالدرب مو ناقص عمري حيرة .. كرمال الرب كركبتـيـلي بهـا السـيرة .. عقلي والراس ** كـنّـا نحـلــم ونســهـر .. ونعـدّْ نـجــوم وعاشـوفـتهـا نتحسـر .. والبعــد نـلـوم واليوم الحب تتـطور .. صار المحروم عالفيس وعالماسنجر .. يعمل أعراس ** كل شي تبدل وتحّول .. والماضي صار ذكـرى فيهـا بنتغـّزل .. ونطـفّـي الـنــار عن حاضرنا لو تسأل.. يـا شــيخ الكـار بدّك تحـتـار وتخجـل .. وتعـبّـي الكـاس