إفلاس:محكي للشاعر مازن برهان قاسم من سوريا
** إفلاس ...
يا حروفي حاجة تنقي .. وعابابي حااااااجة تدقي
زعلااااانة مني الورقة .. وصااااارت تشك بصدقي
قالت غيرت الاسلوب .. وخطواتك نسيو الدروب
قلتلا بيكفيني ذنووب .. علووووة هالبحصة تبقّي
بقت هالبحصة وقالت .. الفرحة بكلماتك غااااابت
دروب المحبة صااارت .. عشقا مااا بيشبه عشقي
واللهفة صااارت ذكرى .. وانت بأحوااااالي أدرى
وقلتلا يمكن بكرررررة .. كلماتي تخاااااالف نطقي
بحاول ترجم احساسي .. وريّح اعصابي وراااسي
الظاهر هالفترة ناسي .. ومضيّع غربي وشرقي
اختلفت كل المعاااني .. واخدت عقلي احزااااني
وجار عليي زمااااااني .. و عالفاضي بيطلع خلقي
كل شي تغير وتبدل .. وكل شي هرهر وتبهدل
ياااااا حرفي لا تتأمل .. كلمااااااتي تروي وتسقي
تعليقات
إرسال تعليق