لا تعتب ولا تلوم:محكي للشاعر سليمان ابو لطفي وسوف من سوريا

احد مبارك عليكم لاتعتب ولا تلوم لا تظلم خيك الهاجر توقا وظروفو قدر بطيبه ورقا حتى الطير احيانا بيهاجر ع غير بلاد ليدور ع رزقا لما بالوطن بتشوف تاجر جمع اموال وكل المال سرقا بيكون الداعمو قادر وفاجر جيوب الناس بالقوه بيشقا بيلعب بالمواطن لعب ساحر لحتى بجيبتو ليره ما يبقا مثل ثعلب بفن الصيد ماكر بيصيد الهدف بحنكه ودقا شريكك بالوطن لو كان عاهر عمهلو عايش وانت بتشقا وبحالك مابتقشع حدا شاعر ولا بتحس في محبه وشفقا صرت مجبور لعندو تغادر ودربك بالمخاطر رح تشقا وتترك ناس ماعندن ضماير لتوفي اسرتك بالوطن حقا كلام الصدق احكي ولا تكابر بتشفي بالقلب حسره وحرقا الوطن بقلوبنا بيظل حاضر انشالله منقشعو بالعز عامر وبحضنو نجتمع من بعد فرقا ٢٠٢٣/٨/٢٧ سليمان ابو لطفي وسوف