عتابا وميجانا:محكي للشاعرة فايزة معماري من سوريا

شوية عتابا وميجانا عتابا ياقلبي انهد النهدات علّي راح وترك عندي ألف علة/ي وياقلبي روح خلفن طير علّي والحقهن على جنح السحاب أساليب الغوى ما عاد طاقا قلبي ولا بقي بهالجسم طاقة لهيكي سكّرت ما تركت طاقة وطلّقت الغواني والشباب ميجانا يا ريتني ديرة حبيبي منها مر يا دمع عيني عا فراقن منهمر الفرقة حبيبي كتير دايق منها مر خلّي حبال الوصل تجمع بيننا داري غرامك ياحبيبي إن نما وبيعد عن الواشي الحاسد إن نما ولا تصدّق كلام العوازل إنما صدّق إذا قلتلك بحبك أنا محلا سمارك يا صبايا بلادنا صباحكم خير ومحبة وفرح أصدقائي فايزة معماري من المشتاية