بعد الشقا:محكي للشاعر علي جبارة من لبنان
بعد الشقا عند المسا بكير
قلو يا بيي يسلمو زنودك
ياما عليهم مرقت مشاوير
وياما ارتوى من عزمهم عودك
جلابيط كنا جوقة عصافير
ريشة وريشة زهرو عنودك
صرنا نعلي بهالسما ونطير
ع جناحنا بريشات منقادك
كافي يا بيي تحمل قناطير
صار الوقت ت نريحك ونصير
بصهوة جوادك يعتلو ولادك
**** ****. ****
.قلو لأبنو والعتب مرسال
بكير يا بني تنغوي بزندك
بعدو لهلق والزمن لو طال
بالمقبرة عم يشتغل جدك
ومثلو انا ما بوقف الترحال
حدك انا ورح ضلني حدك
بعدن ايديي عم يهزو جبال
ت يزهرو الوردات ع خدك
لا تصدق القوال لما قال
عالمسطرة طلعت دقن ابنك
ومفروض دقنك تحلقا بيدك
تعليقات
إرسال تعليق