لا تسألوني:محكي للشاعر سليمان ابو لطفي وسوف من سوريا

. لا تسألوني لا تسألوني ليش بدي روح بحب الوطن لاتزاودوا عليي حب الوطن ساكن حناياالروح بعمري بحياتي بكل ما فيي عشنا بحلم ياما بنينا صروح طار الحلم ع بلاد تانيه ببلاد غربه هل حلم مشلوح من دون اهل من غير حنيه ببكي عحالي والدمع مجروح بلادي الحنونه كتير غاليه ياريت لو بقدر بسري بوح واحكي الحقيقه بكل عفويه مافي امل بالأفق عم بيلوح دروب الامل اسودت بعيني صوت العداله مختنق مبحوح مافي حدا بيقول يا خطيه بكتاب الله الظلم مش مسموح صاروا يسموا الظلم حريه ياريت لو ترجع سفينة نوح تلاقي الارض بالمي مرويه وقلو لنوح بلهفة الملفوح يانوح صرنا وحوش بريه والأرض تغرق والحمام ينوح وهيكي حضاره تصير ممحيه تعود الحياة وتبتدي من جديد لافي فقر لا قتل لا تهديد صارت حياة البشر قاسيه ارشيف سليمان أبو لطفي وسوف