قصيد حب: حوارية للشاعرة فايزة معماري من سوريا

قصيدتي المتواضعة التي حملت عنوان /قصيدة حب/ تحولت الى حوارية لطيفة على يد الشاعرة المبدعة /Manahel Hasan قصيدة حب حبيتك وهالعمر بعدو بأولو وشفتك من النجمات احلى ياحلو وقلبي رهنتو عا حسابك عالمدى وصرت اسحب خيط عمري واغزلو احلى قميص يرد عينين العدا عنك إذا شي يوم رادوا يسألوا وكل نسمة صبح تمرق عالهدى وصيتها تسرق وتحمل كمشتين من عطر خدك تا ربيعي تجملو MSNAHEL Hasan نادي الفوارس عالزجل تا ينزلوا طل الفجر والصبح بعدو باولو بدنا بميدان القوافي نلتقي واللي بيحب الزجل بدنا نجادلو رح اخطف من الشمس الوان الدهب وخيط القوافي من شعاعا بغزلو بلكي فحول الشعر تنزل عالوغى وعند الملاحم عني بدهن يسألوا واللي بيجاوب ما يهاب من السؤال مبارك رح نقلوا وبدنا ندللو وهلأ تركت الزجل رح اعمل غدا احسن ما أهل البيت مني يزعلوا رديت نزلوا الفوارس عن مناهل يسألوا بساح الزجل يتنافسوا ويتجادلوا وصارت قوافي الشعر ترفع راسها وتقدح تَ انوار المشاعر يشعلوا الشعار كلن وقّفوا حراسها شعر الزجل مين اللي قادر يخذلو والكل عَ جبينا العالي باسها ونادوا مناهل عن غيابا تساءلوا قالولهن راحت تا تطبخ للولاد وبدها تغديكن معن يللا انزلوا Manahel يافايزة قولك حلو ما أجملو جهز الغدا و يلا بسرعة تفضلوا وبعد الغدا حضرت موز وبرتقال ومن بعدهن رح تمما بصحن الحلو ومن بعدها رح اعزمك عا بيتنا جوات قلبي بي عيوني بتنزلوا وبنطلع سوا عالريف عابيت الجبل واهلي شو بدهن يفرحوا ويهللوا اهل الجبل طول العمر اهل الكرم وعمرن ما كانوا بالضيافة يبخلوا الإنجيل والقرآن يجمعنا سوا والحب بين الناس الله حللو يارب تحمي بلادنا حاجي هموم وتسعد قلوب الناس ياما تحملوا رديت شكرا مناهل هالحكي ما اجملو وحسنك إلهي باللطافة كمّلو شعار مشيوا صوب هاك الحي وكلّن على بيتك مناهل حولوا مش قصدهن اكل وشراب ومي كل قصدن من مناهل ينهلوا رقة وادب شعر وثقافة وضيّ والأكل شو ما كان مش رح يسألوا ووقت الأكل ما سمعت إلا خي طيّب اكلها والفواكه والحلو وفوق الجبل تحت السما بشوي هونيك ياما تكرموا وتدللوا شربوا الهنا من كاس ام وبي ربيوا على الحب اللي الله حللو واستمتعوا بنسمة عليلة وفيّ تمنّوا العمر يبقوا يعيشوا بهالجبل عيشة هنا وما عاد بدهن ينزلوا سأكتفي بهذا القدر حتى لا اطيل عليكم تحياتي للجميع فايزة معماري من المشتاية