صار وقتا:محكي للشاعر مازن برهان قاسم من سوريا

** - صار وقتا ..!! كريب ورشح واحتقان II وسعلة أشكال وألوان وبردية وعصب وركي II شو حالك يا بو حيّان الصيدلاني والـدكـتـور II ما خلّوا طابق مستور حتى هالضرس المنخور II شاركنا بها المهرجان ملّينـا مـن السـيتامول II والابر والبـنـــادول هـالــدوا بـلا مفـعــول II وبـلا تـاريخ وعـنـوان احترنـا و الله حـيّـرنـا II ومن هالحالة تمرمرنا الظـاهر إنوو ختيـرنـا II وهـرهرنا قبـل الأوان سـبب كل علّة هالبرد II صدقا قالوها عن جد لا قدرنا نصمد و نصد II ولا قدرنا نشعّل نيران خـفّـف عليـنـا يـاارب II وهوّن عابلادي والشعب بكفي ويلات الحرب II لا تزيد علينـا العدوان