بلا حسد:محكي للشاعر احمد دلول من سوريا

بلا حسسسسسسد طول عمري بعشق الحلوين والعشق نفحة حب من ربي سبحان ربي الخالق التكوين ابدع صور واوصاف المحبي بالدم عم تمشي ولشرايين مع كل نبضه ببنبضى قلبي مرت صبيه بعرفا من سنين ماعرفتها والذنب مو ذنبي هيي مو هيي وين شفتا وين بارشيف عمري صور شو مخبي كانت بتشبهني ويخزي العين لا عين تطرقها ولا مسبي شعرا مزعتر مقوسه الرجلين لو حلمت فيها بفيق من رعبي تمشي دلع والعمر بالستين وطوق فضه يزيين الرقبي بنطالها مشقوق ع الوجهين وشعراتها وصلوا الى الركبي انفا صغير ونفخت الخدين ومن النفخ صارت متل لعبي الحاجب وشم وعدسات للعينين وشعرا باروكي وصندلا طبي صاروا قطع الغيار موفورين وورشة صيانه تاعود ماتلبي تاعود اسمع وشوف والايدين ما ترتعش انخبيتها بعبي عيالك ياربي هبل ومجانين وعقلن تلات جوزات بالقربي واللي خلقنا من تراب وطين شرقي ماعاد عرفت من غربي