نغمة رمضان:محكي للشاعر مازن برهان قاسم من سوريا

**- نغمة رمضاااان !!!! نفس النـغـمــة والعـنـوان III عم نسمعها كل رمضان عـليـنـا بيطل المســؤول III يحـكــي أشكال وألـوان بِـقـول ضبـطـنـا الأسعار III وانـذرنــا كـل التـجّــــار وراح نتواجـد ليـل نهـار III بكل حارة وحي وميدان وبـدنـا نراقب ونحاسـب III الـ بدّو بالسوق يشاغب نـلبّــي كـل الـمـطــــالـب III حتـى يـرتــــاح الإنسـان هـالـغـنّـيــة حـفــظـنـاها III مـن كتـر مـا ســـمـعـناها عـالـــواقــع ما شــفـناها III لا برمـضـان ولا بشـعبان كل الأســعـااار ارتفـعـت III مــن أول يـوم وولـعــت وكل هالوصفة ما نفعت III لا الجوعان ولا العطشان وعمـرو هالمـوال سنين III بيشــهـد وزيـر التمــوين بدّنــا يخلص هـالـروتين III ويصـيـر بعـلـم النسـيان ويصير التـاجــر رحـيـم III عـليـنا بهالشـهـر الكريـم وحتى الحالة تسـتـقـيم III بـدّا ضـمـيـر ووجـــدان