التواصل الاجتماعي:محكي بقلم احمد دلول من سوريا
التواصل الاجتماعي
انت ملح هالارض لومره فسد
خبزك على التنور كيف تملحي
يامعلمي الاجيال فكرك ما اتقد
وكنت بيوم بالعلم تتسلحي
ماعاد يسمعلك لابنت ولاولد
وانت مع الجوال عما تسرحي
والنت لما ينقطع نطلب مدد
وزناد فكرك بالتواصل تقدحي
والفيس متل الرب لو بابو وصد
بجنة عدن بالكذب بدك تسبحي
بالدار ما واحد بقي يسمع احد
وسماعتك بالدان اوعي تشلحي
الجيل خربتي وعليكي العتمد
وبالعقل والادراك ماعم تفلحي
صرنا عبيد وغير ربي ما انعبد
واطفالنا ضاعوا وكفاكي تنصحي
بجيدك وجيدي حبل صفا من مسد
ومن كثرة الاهمال صاير استحي
الجوال صفا سلاح مزقنا بدد
فيه العلم ونحنا لحقنا الشرشحي
تعليقات
إرسال تعليق