انشالله بالاحسن تعود:محكي للشاعر مازن برهان قاسم من سوريا

** انشالله بالاحسن تعود.. بدّكْ تسـمحلي يا عيد III ما راح استنى قدومك ولا راح البسلك جديد III ولا اسـأل عن علومك مـتل غـيابك حضـورك III عم يتسـاءل جمهورك وغصة وحسرة مرورك III والدمعـة رفيقـة يومك من المعـتّـر والمحزون III واللي مفلس ومـديون كل ما قـلنـا راح تهـون III بتزيد عـلينا هـمـومـك كتير الحـالـة تعـبــانــة III مقهورررة او حـزنـانـة جيوب الـعـالم فضيانة III مو ذنبك ما راح لومك انشالله بالأحسن تعود III وفـينـا أفراحك تسود وعـلينـا بالخـيـر تجـود III وتشـتّي حـبّْ غيومك