دلعونا:محكية غنائية للاستاذ محمد عزو حرفوش من سوريا
محكيّة غنائيّة..
الدلعونا..
على دلعونا وعلى دلعونا
بِاسم الحضارا خربنا الكونا.
قعدت قبالي بالشال الأحمر
تتلوّى بخصرا تمشي وتتغندر
عضعض شفافي وع حالي اتحسر
وين كانوا هودي يوم كنا هونا.
السمرا بتسحرني بحسنا ودلالا
الشقرا بتدبحني لو صرت قبالا
رح بشكي همي لله تعالى
عَ جنس حوا اللي جننونا.
الصبايا صارت بالجيل الطالع
كلو صناعي ومن جسما دالع
حتى تزينلا بس الأصابع
بدك مصاري شي كم مليونا.
عَ كتفا شنته فيها أركيلي
مشقشق بنطالا في كم توصيلي
كل هما الموضا والسهر الليلي
وإذا بْ تنصحها بتصير فرعونا.
صارت تتباها بِ نوع جوّالا
كل لحظة صورة منها لحالا
ما هما أهلا لو ماتوا قبالا
بتنشر حزنها ع التليفونا.
شبيبات الشارع زِماما فالت
بنطالا مشقشق يا أما سالت
لو شعرا براسن من الهوى مالت
بِ يعبي الدنيا جيل ومعجونا.
على دلعونا وعلى دلعونا
صار بدا سترك يارب الكونا.
.. محمد عزو حرفوش.
تعليقات
إرسال تعليق