صبحية:محكي للشاعر هلي جبارة من لبنان
صبحية
******
بلون عيونك مثل ما بدي
وبلون خمري بعملك وردة
بشرب معك ع الصبح قهوتنا
ومنشان تحلا كثير سهرتنا
بردك صبية بسيهرك حدي
بهرب معك ع ارض مهجوره
يخمر بحضني نبيذ وتشدي
برسم ربيع بزغر الصورة
بسقي الشتي من خدك الوردي
ولو كان خمرك بالشتي مبلول
ولو كان نعس الورد بأيلول
وقت اللي بدي بلبسك مريول
بكتب غزل ع المسطرة بودي
بوعى صبح ع خيال عصفورة
بحكي معك ما بسمع الرده
وبتنزل الدمعات مقهوره
فاق الحلم دمع ع المخدة
قالو بقي من العمر هالشفة
مفروض كاسو للعظم افي
ولو نشفو العسلات عالشفة
بعصر ضلوعي شهد وبندي
صباح الخير
12/9/23
تعليقات
إرسال تعليق