شو صار لقلوب البشر:محكي للشاعر مازن برهان قاسم من سوريا

** شو صار لقلوب البشر ... !!؟ شـو صـار لقـلـوب البشر .. حتى الحـقـد فيهـا انتشرْ والبغض عشعش بالنفوس .. والشر عالخـيـر انتصر شـو صــار حتى هـرهـرت .. كل الـقـيّـــم وتغـــيـّرت حتى الـعـــدالـة تعـكّــرت .. ودقينـا ناقـوس الخطـر شو صار لقلوب البشر ....... شـو صـار حتـى تبهدلـت .. أخـلاقـنــــا وتخـلخـلـت وفينـا الشـهـامة تعـطّـلت .. وتشــوّهـتْ كل الصــور عـيـشـــتـنا ذلّ ومهــزلـة .. والنـاس روحــا مهـلهـلة الخيـانة صارت مرجــلة .. والبعـض فـيهـا افتخـَرْ شو صار لقلوب البشر ........ ما عـاد في صدق ووئام .. وما عاد في حب وهيام صارت مشـاعرنا كـلام .. وقـلـوبـنــا متـل الحـجـر النخـوة غابت والضمير .. غـفـيـان نايـم عا حـرير صـار الغني يـذلّ الفقير .. ويـزيـد من ظـلـم القـدر شو صار لقلوب البشر ........ يا ريـت ينصفنا الزمان .. ويعــمّْ بالخـيـر المكــان ويعـود لـبـلادي الأمـان .. ويعـانـق اللحــن الـوتـر ويا ريت ترجع يا وطن .. معـافى وما عندك مِحنْ ونعيش بربوعـك زمن .. جــنّــات عـا مـدّ النـظـرّْ