حلم:محكي للشاعر سليمان ابو لطفي وسوف من سوريا

احد مبارك ورأس سنة هجرية مباركة عليكم حلم مارد بنص الليل وعاني خفت انرعبت تلعثم لساني قال من فضلك ياشاعر قوم بلا معرفه بالأسم سماني شعرت حالي متعب ومحموم قلت من وين البلا جاني شو جاي ليزود علي هموم من بين كل الناس نقاني قال لا لا تخاف يامنظوم فيك رب الشعر وصاني لما عرف بعيشتك مظلوم لعندك بعتني بهدف انساني شاف العدل بين البشرمعدوم قوة وشجاعة وعزم اعطاني قال مابدنا شقاك يدوم مشي ندور ع بلد ثاني قال فينا بالبحور نعوم بالبر بدك سارج حصاني شالني بالجو صار يحوم بلحظة بلاد الرب فرجاني قلت يامارد مافيه لزوم خلص العمر ماعاد حرزاني خلقت بحب الوطن مغروم بمال الدني ماببيع اوطاني بفضل كمل هل عمر محروم ع محبتو لا بساوم ولا بسوم ولا بغادر البيت الي رباني ٢٠٢٤/٧/٧ سليمان ابو لطفي وسوف