ريحني وغير دربك:محكي للشاعر مازن برهان قاسم من سوريا

** ريّحني وغيّر دربك ... بعـدك يا قـلـبـي محـيّـر .. ومو ناوي تهدا وتكبر الأيـام الـحـلـوة راحــت .. حـلّك تنســـى وتتغيّـر اخـتـلـفـت كل المعاني .. ومـاتـت فـيـنا الأماني واللّــي كانـت تهــوانـي .. همّـا مـن هـمّي أكـبـر ريّحـنـي وغـيّـر دربـك .. ولا تسـألني عن حبك شـرقـك مضـيّع غربك .. وبــدّك يـانــي أتـذكـر وين الغمـزة والنطــرة .. وين الصفـنة والنظرة مبـارح ما بيشــبه بكرة .. حـاجــة عـليّـي تتكبّر وين الهمسـة والبســمة .. ووين اللمسة والنسمة صرنا نشك بكل كلمة .. ونســأل كيـف بتتفسر عـيــد حســابـك وتأمّل .. كل شي بهالكون تبدّل بخـاف تضيع وتتبهدل .. وتعـتّــرني وتـتـعـتّــر كل شـي حلـو بأوانـو .. هيك بيحكوا اللي كانو تعاني قـلـوبن ويعانوا .. بيـن المـلـح والســــكّر انشالله بتهدا يا هالقلب .. وبيرجـع زمان الحب وتفرح أيـامك ياااا رب .. وتـزهّـر مسـك وعنبر