اشتقتلك:محكي غنائي بقلم الاستاذ محمد عزو حرفوش من سوريا

محكيّة غنائيّة.. اشتقتلك.. سنين ناطر حد الباب بلكي شوفك بعد غياب لا عيوني لمحت عينك ولا اجاني منك جواب. الغيبة طالت يا ولفي النار بقلبي ما بتطفي عاود لحضيني واِلفي بعدك والله شعري شاب. اشتاقتلك وردات الدار وشبابيكه/و والحجار لو ترجع مرّة نسهر نغنّي الميجانا وعتاب. بعرف ما بتقدر ترجع ولا صوت حبابك تسمع جرح فراقك شو بيوجع بِ يشعل أنين العذاب. نشفو دموعي عَ غيابك غالي عَ قلب حبابك الله يرحم ترابك يا زينة كلّ الشباب. بالجنّه/ي انشالله بتكون يا باقي نور العيون بدعي لربّي ممنون يجمعنا بيوم الحساب. .. محمد عزو حرفوش.