عتب:محكي للشاعر الكبير سليمان ابو لطفي وسوف من سوريا
احد مبارك عليكم
عتب
ماكنت بعمري مفكر
قضي هل عمر معكر
شو ذنبي ماني شرير
تاالحظ بوجهي مسكر
سنيني ايامي تعتير
مين الي قدي تعتر
يوسف مارميتو بالبير
ولاحامل سيف وخنجر
بيطلعلي واحد سكير
عقلو من نملي اصغر
شايف حالو عامل زير
وقادر يتحدا عنتر
عليي بالاصبع بيشير
وعني بيقول مقصر
مهما بحكمو علي يجير
بيعرفني بوضعو اخبر
رح قلو تأدب ياصغير
من شكلك بغلب عسكر
بعمرك شاعر مابتصير
ولا بتقشع عودك اخضر
شعري نغمات عصافير
غناني صبايا ع البيدر
من شعري عبوا قوارير
لو منها شربت بتسكر
عزموني وقالو ياكبير
بأشعارك نحنا منكبر
فارس جولي مابيخسر
٢٠٢٥/٢/٢
سليمان ابو لطفي وسوف
تعليقات
إرسال تعليق