سوريا احلى بستان:محكي للشاعر مازن برهان قاسم من سوريا

** سورية أحلى بستان ... الـ بـدو يعمرها بالحب ... مـو لازم يشــتم ويسـب لازم يحــــب تــرابـــا ... يصونا بالسلم وبالحرب ولازم بمحبة يســامح ... وشفاف يكون وواضـح وكرمالا ينسى مبارح ... ويهتم بأحــوال الشـعب ما بيكفي يحـب هلالا ... ويتـغــــــــزّل بِجـمـــالا بـلادي بيـحـلا مــوّالا ... لما الشرق يعانق غرب ولمّا بتتـوحـد القلـوب ... وبيـوتـا تـودّع الحروب ما بيبقى فيها مغلوب ... ولا يتســكّر فيهــا درب ســورية أحلى بستان ... زنبق وجوري وريحان فيها من كل الألــوان ... بجـمـــالا تـفـنـّن الـرب ربي يرعاها وتــدوم ... وحواليها الأفراح تحوم وما يبقى فيها مظلوم ... وبِـ أياما يهون الصعب