همّي وهمّك:محكي للشاعرة القديرة فايزة معماري من سوريا

همّي وهمّك همّي وهمّك يا اخي لو يحملوه جمال ناخت ركبهن للأرض والحمل فيهن مال حكينا وكتّرنا حكي قلنا اللي ما بينقال كتبنا وبعتنا شي الف مرسال بكينا وغنينا العتابا الأوف والموال رق الصخر حنّت علينا جبال والحال هوّي الحال بيوت صارت عالأرض وتيتموا أطفال وتشردوا ع مفارق الطرقات ضاعوا عيال اللي طواه البحر واللي احترق بالنار غدار والله يازمن غدار واقف مع الأشرار ندرنا شمع للرب صلينا يشفي وطن مجروح يداوي جفن مقروح يارب وين الرب عفوا ياربي كفرت رح اعبد حجر صلّي لشي تمثال لأ لأ يا اختي اسمعي لا تيأسي لا تكفري لا تدمعي مادام عنا شعب ما بيهاب لو كترت الأهوال صامد ع درب الحق ما بيعرف محال يفدي بروحو الأرض والأجيال يكتب بدمو عالسما عالغيم ع شفاف الزمن عالشمس يكتب للنصر موال لا تكفري اختي لا تعبدي تمثال تحياتي للصابرين فايزة معماري من المشتاية