بين العقل والقلب:محكي للشاعرة المميزة فايزة معماري من سوريا

بين العقل والقلب بين العقل والقلب محتار الدليل والحرب علقت والنصر شي مستحيل وبيناتهن ......... واقف انا ومحتار لأي كفة ... وكيف ...... بدّي ميل إن ملت صوب القلب ياستار تخمين قلبي يهدّ منّي الحيل ويروح يرميني بشي مهوار وشوف منّو ألف ويل وويل وإن ملت صوب العقل ما بحتار ولا بخاف لو عتّم عليّ الليل عقلي بيخلّي الليل يتحوّل نهار بيجبر نجومو تسهر بيجبر سهيل بيقودني بإيدي بدرب الإنتصار وكل المخاطر والصعب بيشيل لكن انا رايد محبة وإزدهار لهيك لازم بين عقلي وهالقلب وازن ومشّيهن سوا بدربي الطويل تحياتي لكم اصدقائي أينما كنتم