خناس:محكي للشاعر احمد دلول من سوريا
خنااااااااس
اسمعت انو زيد ضارب عمر
كيف ضربو وليش ماباسو
ضاع الوطن مابين جهل وشر
وصار الحقد والبغض قاعد ع متراسو
ليش العداوه والجفا والغدر
بدل الرصاص احضار اعراسو
قابيل ع هابيل ناوي الشر
قتل خيو وكتم انفاسو
قصة غموض مغلفه بالسر
اختلفوا ع نص الأرض ماقاسو
شغلة حريم وع الذكي ماتمر
وكيد النسا عم تلعب براسو
بعتب ع ربي وبمتثل للامر
خل الوزن تا يختبر ناسو
اغني زادو غنى والثاني زادو فقر
ضاع العدل بالسما واختل مقياسو
حامل قلم والقلم لما بصدق يصر
وجهلت شو دون ب كراسو
الايمان مل وصار متل الكفر
وصفا الغبي والشقي تابع ل وسواسو
يل للاسف بالوطن ماضل صاحب فكر
لو جاع خيو مشي وبجذمتو داسو
خيك بلا طائفه ما ضل عندك عذر
لا تجرحو وتقتلو واحترم احساسو
بشرب لاصحا من السكر بالخمر
ربينا سوا وللوطن ارفع معك كاسو
وللحقد والطائفه احفر معانا قبر
وضوي شموع الفرح بيوم قداسو
تعليقات
إرسال تعليق