دورك خلص:محكي للشاعر السوري سليمان ابو لطفي وسوف

احد مبارك عليكم جميعا دورك خلص مابتخجل ولك ذوق ع حالك دورك خلص غنيت موالك واليوم عمرك جاوز السبعين شيل النسا والعشق من بالك ربي خالق باالدني مجانين لكن انا ماشفت ع شكالك بعدك بعينك بتضرب ميادين كل ماقشعت حلواي بقبالك من قبل ماتنطق كلامك زين وخلي يمينك تعادل شمالك نسجت الشعر غنيت للحلوين وكان الهوى ميداعب خيالك الشعار بحب الحلا مأسورين معذور كنت العتب مايطالك شعرك حلو خلا قلوب تلين ولعب القدر والحظ غنالك دورك خلص هبهب هواتشرين قرب رحيلك باقية افعالك مابتنفعك شهره ولا ملايين ولا ذهب لو بتحمل جمالك ولا واسطة حكام وسلاطين ولا ناس عاشو العمر بدلالك عوف الطرب والغنا والتلحين صوم وصلا بيلزم لأمثالك صلي لربك قدم قرابين بالاخره مابظن بيشفع فيك عند ربك غير اعمالك سليمان ابو لطفي وسوف من ديواني الرابع مكمل المشوار