موشح حوارية :للشاعر المبدعة فايزة معماري من سوريا

الموشح الذي تحول إلى حوارية مع الشاعرين الياس صليبي والياس سمعان موشح ليل وحب وسهرية وشرّيبة كاس عبي راسك يا خيي وشيل الوسواس صبّلي كاس الوسكي وزيد التلجات حاجي عا كتفي متكي تعبوا النهدات قوم ولبّسني الشبكة/ي وخلّي النجمات تنزل تمسك بالدبكة/ي ويغاروا الناس شايف هالبدر العالي فيي مغروم يومية/ي بيبقى قبالي وحولي بيحوم ياسعدي ويا نيالي جاييني اليوم يلبسني العقد الغالي لولو وإلماس الياس صليبي شايف عرس ودبيكي واحلى معازيم ريتو الرب يهنيكي وهالفرحة يديم وانا الملهوف عليكي يا احلى ريم من اشعاري بهديكي أصدق إحساس ردي عليه لما وصلت لهدية/ي قدّيش فرحت خبّيتا بِ عينيي وحسّيت ارتحت قلت بتصلح غنية/ي وبفكري سرحت سمعت اللحن بدينيي سكرت بلا كاس الياس سمعان أشعارك إلها معنى وفيها احساس رايد حدك بتمنى تا اشرب كاس ولما بتغنّي معنّى بيصير الياس يقلّك انت بموطنا بدك تكريم ردي على الياس سمعان بو هيثم هيدي منك أحلى هدية/ي. شاعر وبتعرف إنك غالي عليي مش ممكن أوصل فنّك لأ ما فيي دايما من خمرة دنك عم عبّي الكاس رد الياس صليبي على الياس سمعان يا بو هيثم لو فيي عمري اعطيك وبقدّم روحي هدية/ي حتى ارضيك ياغالي كتير عليي المولى يحميك انت بغلاوة خيي يا عمي الياس ردي على الإثنين وقعتوني يا دلّي بين الياسين من خمرتكن رح ملّي جرّة وتنين وتا الحقكن ما حلّي بدّي سنتين اطلب من الله وصلّي الحق شي الياس رد الياس صليبي عليي عا شعرك نحنا ربينا من زمان كتير وهالشعر الساكن فينا كان بعدو صغير شو غلطنا وعلّمتينا فن التعبير وفضلك بالشعر علينا هوّي المقياس شكرا للشاعرين اكتفي بهذا حتى لا أثقل عليكم أصدقائي تحياتي لكم من المشتاية فايزة معماري