تحدي:محكي للشاعرة السورية فايزة معماري

لا أتحدى ولا أحب التحدي وأشعر ان قصائد التحدي المنبرية تليق بالرجال لكنها محاولة وارجو من الشعراء الشباب الا يتصدوا لي أنا لما كنت طفلة/ي صغيرة/ي ملاك الشعر هزّلي سريري وغنّى لي شعر تا صير أشعر من الخنساء شاعرة الجزيرة /ي وسكب لي بالقوافي ذوب سكر تا صار النحل يغرف من قفيري ونصب لي بالمعالي عرش مرمر وتوّجني ونصّبني أميرة/ي ونمي مرج الشعر عندي وزهّر وعبق هالكون من فوحة عبيري وصارت ضيعتي تباهي وتفخر لأني بنتها وهيي نصيري وصرت بمحبتا اكبر واكبر واشرب من منابعها الغزيرة/ي وانتي وين انتي يا معتّر يا دوبك عم بتزحف عالحصيرة/ي وجاي اليوم تشهر سيف عنتر لا عبلا رح بترضى ولا العشيرة/ي جاي تجول حدّي بهيك محضر على مهلك يا ابني يا صغيري إذا من ريحة السدة/ ي بتسكر لا تغامر وتشرب من عصيري بعدو كرمك محصرم وأخضر خلّي السر متخبّي ب بيري وخلّي الطابق ملفلف مستّر ما بدّي كتير احكي بهيك سيرة/ي عجينك بعد بالمعجن ما خمّر وحتى يختمر قرّب لا تخجل بدّي شحّدك شقفة خميرة/ي تحياتي لكم اصدقائي الشعراء جميعا