احتارت فينا المشاعر:محكية للشاعر السوري مازن برهان قاسم
** احتارت فينا المشاعر
يااااا قلبي لا تحرجني .. بعد الخمسين
و تزعل وووتطلب مني .. غازل حلوين
**
كل شي حلووو بآوانو .. قالوااا الأمثال
ماضي العاشق عنوانو .. ذكرى واطلال
حبي ودع زمااااااااانو .. بحكم الأحوال
وعاف الحب وميدانو .. من عشر سنين
** **
وقت اللي بنووي غازل .. نثر وأشعاااار
وكل حرووفي بتحاول .. ترضي الأزهار
متل الأمي والجااااااهل .. عكس التيااار
بمشي وبصفن وبجامل .. قلبي االحزين
** ** **
احتارت فينااا المشاعر .. واحتار الدرب
وجفت كل المحاااااابر .. كرمااال القلب
مافينا واحد فينا قادر .. يعشق ويحب
وإجباري صرنا نحاصر .. نظرااات العين
** ** ** **
عم اتحايل عالكلمة .. واقنع هالحرف
حتى يلاعب النسمة .. ويداري الظرف
الغاااية نغير هالنغمة .. ونكسر هالدف
وبين النقمة والنعمة .. صرنا مجانين
تعليقات
إرسال تعليق