خلصت الحكاية:نص نثري للسيدة بشرى عباس من سوريا

 #خلصت_الحكاية

فيروز ضلت تغني ياحلو شو بخاف إني ضيعك

وبالأخير ضاع الحلو..وضاع شادي

وقديش غنت أهواك بلا أمل..ومع إنها بتعرف قديش الأمل ضعيف بس بقت تحبو وتهواه..

ولما غنت إذا رجعت بجن وإن تركتك بشقى

لاقدرانة فل ولا قدرانة ابقى..كانت بتعرف كتير منيح قساوة الحياة ومفارقاتها..وإنو القدر مافي منو مفر..

وبتعرف قديش صعب إنك تحب حدا مش إلك..

تحب حدا بتعرف بالأخير بدك ترجع إيديك وتتركو وتفل..

لأنو إلن ومش إلك...

وياترى رح يبقوا اللي منحبن يسرقونا من عز النوم..

ورح يبقى صوت القصب المبحوح يخبي السر اللي بالعروق..

ومهما طول الزعل بينا وبينو...ترجع تغني في أمل..اي في أمل..اوقات بيطلع من ملل..او من شي تذكار وبيرسم صور..

وكل مرة تقلو ..ياحلو ياحبيبي مابيعك بالدني وكل سنة بحبك أكتر من سنة..

بس أهم شي بالحكاية..انو تبقى القهوة ع المفرق ويضلوا عشاق الطريق فيها يلتقوا..

تحية للرائعة فيروز

وتحية الصباح لكم أصدقائي..

#بشرى_عباس