ايام الماضي:محكية للشاعرة السورية لينا الخطيب
ايام الماضي
_____________
ع لعتمه نسهر بالليل
نجمات الليل نعدا
ننطر يطلع نجم سهيل
نرفع ايدينا نمدا
ستي بميل ونحنا بميل
مابتعرف نحنا حدا
كل ماتعبي القمح بكيل
نسرق قمح ونتعدا
للسرقه ماعنا ميل
نبيع الغله ونتغدا
نتسابق متل حساسين
البوسه نسرق من خدا
بالحني نلون ايدين
نغني سوا نتحدا
جدي يغنيلا مواويل
يرندح عتابا ضدا
بالزقفه تعلا الايدين
و ستي لجدي تردا
ستي يم عيون السود
مامننساها ومنودا
ياريت ضحكتنا تعود
وأيام الماضي نردا...
لينا الخطيب
تعليقات
إرسال تعليق