دعوات ميلادية:محكية للشاعر السوري ابو لطفي وسوف
.....دعوات ميلاديه......
مرتي يارفيقة دربي
انشالله بتضلي بقربي
تنعاد عليكي الاعياد
ناكل من ايدك كبي
تنعاد عليكي الاعياد
بعز ولادك والاحفاد
ربينا سويه اولاد
زرعنا فيهم المحبي
من الاهل ورثنا عادات
الله يرحم كلشي مات
بالاحزان و بالحفلات
الواجب عادتنا نلبي
اعتدنا بميلاد الفادي
نفرح بالعيد زيادي
انشالله بتفرج ع بلادي
سوريا بروحي وقلبي
ياربي شعبا يرتاح
من غير بارود ولا سلاح
شعبا جوا بقلبو جراح
سلامة قلبك يا شعبي
انشالله تنهض سوريا
من لدنك قوه اعطيا
يتهنى شعبا فييا
الرحمه منطلب ياربي
بلادي من تبر ترابك
الله يحمي شبابك
انشالله يعودوا غيابك
بيكفينا فرقه وغربي
انشالله بلادي تتعمر
ونعمر كلشي تدمر
سوريا بشعبا بتكبر
تعمى عيون الاعادي
تعليقات
إرسال تعليق