سنة الواحد والعشرين:محكية للشاعر السوري ابو لطفي الوسوف
كل عام وانتم بالف الف خير
سنة الواحد وعشرين
جايي لعنا الواحد وعشرين
قدرت قبل ما نموت تلحقنا
من قسوة العشرين مرمين
بحضن المرض والفقرغرقنا
صرنا ع اخر رمق تعبانين
مشيناعدرب الجلجله عرقنا
لاضل عنا حلا ولا حلوين
سنة النحس بالكاد مرقنا
ترجع ليالي العز مشتاقين
راح الفرح للغرب شرقنا
كنا احبه واهل مجتمعين
ريح الفقر والعوز فرقنا
صرنا لكل شيء محتاجين
جمر البؤس والشقا حروقنا
طعم اللحم والجاج نسيانين
نلبس تياب جداد شواشتقنا
هل تاجروا فينا ماالهم دين
منركض ورا اللقمه بتسبقنا
عملواعلينا لصوص محترفين
ايد الغدر والغلا بتسرقنا
شعبك تعتر يا الاهي عين
غيرك ما النا معين صدقنا
كبرنا زاد العمر ع السبعين
مثل مر السنه ما ذقنا
بالواحد وعشرين منتظرين
من سجن ضيق ربنا اعتقنا
نكفي باقي العمر مرتاحين
رحمه وفرج ياخالقي ارزقنا
مساكين عشنا عمرنا مساكين
خلقنا بشباك التجربه علقنا
جينا نكفر عن خطايا سنين
منك طلبنا الصفح خالقنا
ع الواحد وعشرين متكلين
خايف مثل اختا تخوزقنا
٢٠٢٠/١٢/٣١
أبو لطفي وسوف
تعليقات
إرسال تعليق