تعالي:شرقية محكي للشاعرة السورية فايزة معماري
شروقية بعنوان
تعالي
تعالي تا نقعد سوا ونلملم النهدات
ولبعيد خلف المدا هونيك نرميها
ونكتب قصايد غزل تا تتعب الكلمات
ويحتار قيس الملوّح في معانيها
نغنّي أغاني الهوى وتتحرقص النايات
وتبكي زمان الصبا وأيام ماضيها
ونزرع سهول الدني أزهار وفراشات
و يدوخ أهل المحبة في مغانيها
تعالي تا نحكي سوا أخبار وحكايات
فيها البطولة صلا بأقداس باريها
وكلما لجمنا الحكي بالآه والبسمات
ينطق هوانا قبَل طعم الشهد فيها
تعالي تا نمشي سوا بهالليل بالطرقات
وكل صرخة وجع بالحب نشفيها
نحنن قلوب السحب تا تسكب الدمعات
تروي قلوب ... الأسى والهم كاويها
مع ألف تحية أصدقائي
تعليقات
إرسال تعليق