احلامنا بكرا:محكية للشاعرة السورية لينا الخطيب
أحلامنا بكرا
_____________
من دخنة التنور بالعتمات
من ريحة البخور ع التلات
من غيمة عطر ومعبقه بالحب
نزل المطر وتعطروا الكلمات
غيمه عطر ع جبالنا الخضره
خلقت بفكر الشاعر الفكره
عندو حبيبه ناطره السهره
مرسال باعتلا مع النسمات
أحلام لاحت بالأفق بكير
متل الحمامه بالسما بتطير
بيكفي العاشق ربنا تعتير
قلبو احترق وتسابقوا الدمعات
معقول قضي هالعمر موجوع
جفت دموعي مابقى في دموع
لازم بسرعه نعالج الموضوع
من نار قلبي تعبت النهدات
لينا الخطيب ٢٨/١٢/٢٠٢٠
تعليقات
إرسال تعليق