امنيات للعام الجديد:محكية للشاعر السوري مازن برهان قاسم
** أمنيات للعام الجديد
معقولة نسمع شي يوم .. اخباااار تسر الخاطر
وتفل و ترحل الغيووم .. وتبعد عناااا المخاطر
و ما يبقى فينا محروم .. ولا مستني أو نااااطر
عم نحلم بالفرحة دوم .. نسينا طعم البشاااااير
ونسينا الرااحة والنوم .. وغرقنا بالمظااااااااهر
و مضينا هالعمر هموم .. نلعن هالحظ العااااااثر
تبهدلنا يا عيب الشوم .. ولا واحد فينااااا قادر
كل ساعة عنا مرحوم .. احتارت فيناااا المقابر
لا الظالم عاف المظلوم .. ولا تغير عقل التاااجر
واللي راضي بالمقسوم .. دوما مقهور وخااااسر
ياربي ما بدنا نلووووم .. الماضي ونلعن الحاضر
ولا بدنا نعانق النجوم .. ولا نتباهى ونفااااااخر
بدنا الصحة علينا تدوم ..وحوالينا الفرح يحوم
وبجااااااه الحي القيوم .. الغيمة ترحل وتهاجر
تعليقات
إرسال تعليق