شيخ الشباب:محكية للاستاذ محمد عزو حرفوش من سوريا

 .. محكي..

.. شيخ الشباب..

عيروني بكبر العمر 

بلكي عنها بتخلّا.

وأنا لمّا بشم العطر

بيصغر عمري وبتحلّا.

مافيني قاوم هالسحر

وأمنع عيني تتملّا.

كلّهن سمر وبيض وشقر 

يخزي العين وما شالله.

شعراتا آية من السحر

سهام عيونا يا دلّا.

صيد قلوب من دون عذر 

حتى الأعصاب تشلّا.

قبل اللوم وقبل الزجر 

هيدي حوّا شو حلّا.

من الجنّة نزلنا بلأمر 

وع الأرض ما بنوصلّا.

رح مضيها كتابة شعر

والأعمار بأيد الله. 

.. محمد عزو حرفوش..