أمي:محكية للشاعرة السورية فايزة معماري
أمي
فتّحت عيوني عالنور
لقيتا قدّام عيوني
ندرت لي شمع وبخور
وفرشت لي دربي منتور
ومن إيديها عملت سور
يصدّوا عني ويحموني
فتّحت عيوني عالنور
لقيتا قدّم عيوني
سحبت من عمرا خيطان
وحاكت لي فيهن قمصان
وشال وقبوع وفستان
قدّيش كانوا يدفّوني
فتّحت عيوني عالنور
لقيتا قدام عيوني
الله يرحمك يا أمي ويطول عمر الأمهات الأحياء
تعليقات
إرسال تعليق