طل الربيع:محكية للشاعرة السورية فايزة معماري
طل الربيع
طل الربيع وفتّح النوار
والأرض لبست توبها الأخضر
هب النسيم وداعب الأشجار
وفاح المسك والطيب والعنبر
رقصت غصون وغردت أطيار
وطاف الحلا بالكون وتمختر
والنحل راح يبوّس الأزهار
ويرشف رحيق شفافها ويسكر
والأرض ودّت للسما أشعار
رد السما بحبك أنا وأكتر
والشمس شقّت ظلمة الأسحار
وقعدت تسرّح شعرها الأشقر
عرس الطبيعة عالحلو آدار
والكون كل الكون مستنفر
لا تأخروني بنظم هالأشعار
مش ناوية عالعرس اتأخر
صباحكم ربيعي أصدقائي
تعليقات
إرسال تعليق