أمي:محكية للشاعر السوري موسى معروف

 (((((( أمي))))))))

...محكية...

وقف القلم ب إيدي

... محتار كيف يوصف معانيكي

وتاهت منّي حروف الضاد

..........كيف تكتب بالغزل فيكي

وهربت الكلمات من فكري

.......تا عود أعرف كيف وافيكي

أنتِ يا رمز العطى والجود

...........أيَّ لغة بالحب توفيكي

............

أنتِ الحنان والدفى كلّو

......... ياريت نعرف كيف نرضيكي

أنتِ اللي ما حدى بياخد محلّو

........ وما في أيادي متل أياديكي

أنتِ دوماً للولد متل ظلّو

.......... مهما كبر رح يبقى يناديكي

أنتِ يا ماما اللي ربّنا جَلّو

.... بأسمى المعاني..راقت معانيكي

أنتِ الأيادي البيض خَلّو

............العالم صغير قدّام عينيكي

وعلى مدى الزمان ما مَلّو

...........يعطو محبّي وبكل ما فيكي

وإذا الخلاّن من حضرتي قَلّو

... بتبقي الخل الوفي..الله يخليكي

بحور الكون عَ بابك انشَلّو

.............قدّام وَفرة نبعة سواقيكي

واقف أنا والدمعات بيهلّو

...... لمّا عرفت معنى دموع خديكي

ست الحبايب إذا أحبابنا فَلّو

..... وجنّة الرضوان مطرح أراضيكي

..................

.....لكل أم على قيد الحياة...

ولروح أمي وكل أم فارقت...

....موسى معروف.....

///٢٠٢١/٣/٢١///