متل غيابك حضورك:محكية للشاعر السوري مازن برهان قاسم

 ** متل غيابك حضورك ..

بدّكْ تسـمحلي يا عيد III ما راح استنى قدومك

ولا راح البسلك جديد III ولا اسـأل عن علومك 

مـتل غـيابك حضـورك III عم يتسـاءل جمهورك 

وغصة وحسرة مرورك III والدمعـة رفيقـة يومك 

من المعـتّـر والمحزون III واللي مفلس ومـديون 

كل ما قـلنـا راح تهـون III بتزيد عـلينا هـمـومـك 

كتير الحـالـة تعـبــانــة III مقهورررة او حـزنـانـة جيوب الـعـالم مرضانة III مو ذنبك ما راح لومك انشالله بالأحلى بتـعود III وفـينـا أفراحك تسود

وعـلينـا بالخـيـر تجـود III وتشـتّي حـبّْ غيومك