صم صميمه:محكية للشاعر السوري ابو لطفي وسوف
احد مبارك على الجميع
. صم صميمه
صم صميمه عالسكيت
وفرام لسانك شدو
من كلمه بتعمر بيت
لكن كلمه بتهدو
ياريت الكلمه ماحكيت
حبابك ماكانوا احتدوا
شو بتنفع كلمة ياريت
راحوا ماعاد يردو
لكن كلمه بتهدو
تأنى وتبقى الكلمه روز
اوعا بسرعه تحكيها
موقف محرج ما بتعوز
لما بتتأنى عليها
تحفر حفره مابيجوز
من الممكن توقع فيها
بالكلمه الحلوه بتفوز
بيقولوا يرحم جدو
لكن كلمه بتهدو
مابيسوى تحفر جوره
تسبب للناس اذيه
بيلحق بلغير ضروره
هيدا من طبع الحيه
مال الدنيا وقصورا
مابيغفر هيك خطيه
مهما كترت ندورا
على الجنه ما بيودوا
لكن كلمه بتهدوا
عمرك كفي بدرب الخير
عا صوت الباطل لاترد
رح تنحب كتير كتير
من اهل الخير بتنعد
اوعى بالاحكام تجير
ولرفقاتك احفظ ود
كل قصه بدها تفكير
وكفك للعالم مدو
لكن كلمه بتهدو
طير وعلي بالافاق
اكثر مابتقدر علي
تاتبقى كبير وعملاق
بالفرحه الدنيا ملي
العيشه صعبه مابتنطاق
فقر وتعتير وقلي
الناس الفيهم اخلاق
صاروا قلال بينعدوا
من كلمه بتعمر بيت
لكن كلمه بتهدو
٢٠٢١/٦/٢٧
ابو لطفي وسوف
تعليقات
إرسال تعليق