ايام الشدة :محكية للشاعرمطانيوس صوفان من سوريا
أيام الشدة
......
وينك وينك يا جدي
رجعت أيام الشدة
فينا ساءت هالأحوال
متل التنك المصدي
......
محلا أيام العرزال
يومية بتبقى بالبال
فيه نرندح هالموال
ويومية نضب العدي /ة
.......
الكهربا ما بتكفي شحن
منمضيها سكوت وصفن
صابتنا حالة من الوهن
م منعرف وين تودي
......
رجعت أيام الفانوس
مابقى بالجيبة فلوس
كل واحد فينا ميحوس
كيف السهرية يمضي
.......
رجعنا لشخير البابورو
و لخبزاتك يا تنور
والحموة صارت بالدور
يرحم روحك ياستي
......
علقنا بالحيط القنديل
والنواسة إم فتيل
ما لقينا عنن بديل
العيشة صارت مسودي /ة
......
ع المخدة في أحلام
عين الواحد ما بتنام
القلة عمت يا حرام
هدي انكن فيك تهدي
.......
الغلا مانو معقولي / ة
بفعلك يا هالوصولي
القصلة مانا محمولي /ة
انشالله م تطول المدي /ة
........
بقلمي
شاعر الرقة والجمال
مطانيوس صوفان
تعليقات
إرسال تعليق