رسالة شهيد إلى أمه:محكية للاستاذ محمد عزو حرفوش من سوريا
رسالة شهيد إلى أمه..
الله يعطيك العافيه يا حنوني
يا أوّل صورة شافتها عيوني
طمنيني عنك يا ست الحبايب
لا تقولي قلبي عفراقك دايب
ولا شعري بعدك صار شايب.
كيفك يا أمي؟
كيف أخواتي والجيران؟
كيف الوالد راضي ولا زعلان؟
كيف الحاكورة؟
كيف شجرة الرمّان؟
وشتلة الحبق لْ زرعتا من زمان؟
أنا بخير يا أمي لا تعتلي همي
كفكفي الدمعات وباسم الله سمّي
أوّل باسم الله
أنا متت فدا الأرض لْ ربيتينا
إنّها أغلى من العرض.
وتاني باسم الله
أنا متت فدا الوطن لْ علمتينا
إنو ما بيتقدر بثمن.
وتالت باسم الله
أنا متت فداكِ يا أمي
إنتِ الوطن
وأنا فديت الوطن بدمي.
ورابع وعاشر باسم الله
أنا الشهيد ارفعي راسك
وزغردي يا أم الشهيد.
يااااأمي
أنا كلّ يوم بولد من جديد.
كل ماسمعت حدا بيندهك أم الشهيد.
أماني يا أمي
بوصيكِ بعيد الأم وبكل عيد
ضمّي علم بلادي كفن الشهيد.
ارفعي راسك يا أمي
ابنك رح يبقى معك بدم الوريد.
كل نبضة وتنهيدي بتنده من بعيد
أنا الشهيد.
جاوبيها بفخر
أنا ابني الشهيد
أنا أم الشهيد.
.. محمد عزو حرفوش..
تعليقات
إرسال تعليق