يا غوالي مشتاقين:محكية للشاعر مازن برهان قاسم من سوريا
** يا غوالي مشتاقين ...
بالغربة إلنااااااااا خلان .. أصحاب وأهل واخوان
عم نشتقلن كل ساعة .. بكل زماااان وكل مكان
غيااااابن بالقلب غصة .. وكل غصة إلهااااا قصة
صرنااا نستنى الفرصة .. ونتحااايل على النسيان
أبناء واخواااات وخي .. وصديق الحارة والحي
و كل قريب وأم و بي .. والحبايب والجيرااااان
يا غوااااالي مشتاقين .. اضناااااانا كتير الحنين
تعبناااا من عد السنين .. ومعنا تعبت الحيطااان
العيشة صارت ذكريات .. وانتظاااار وامنيااااات
يااااااربي كيف الحياة .. وضيعنا شط الأماااااان
ضحكتنااااااا بلا طعمة .. وخطوتنا بلاااااااا همة
غرقاااااااانين بهالعتمة .. العايش والميت سيان
الله يفرجهاااااا ويعين .. كل مهموم وكل مسكين
ولا يبقى وااحد حزين .. ولا يبقى واااحد مرضان
وانشالله السعادة تعم .. وشمل الحبااااايب يلتم
وبعد الانتظااااار نضم .. وتفرح بالملقى الاحضان
تعليقات
إرسال تعليق