تمني:محكية للشاعر سليمان ابو لطفي وسوف
. تمني
تعي ياحروف اشعاري الرقيقه
نخلي حلمنا يصبح حقيقه
كتبي المستقبل بأبهى حروفك
زرعي البسمات عوجه الخليقه
يادنيا قسيت علينا ظروفك
اكثر مابقا منقدر نطيقا
شحت بالعطا علينا كفوفك
كل الناس تشكي هيك ضيقه
ياهل سنة الجديده رح نشوفك
بعيون الحالمه زهره بحديقه
ست مقدره ونحنا ضيوفك
رقصنا فرح رقص بلا موسيقا
يعود الفرج ينقر ع دفوفك
تننسى ظلم هاالسنة العتيقه
كوني خير مامنقبل عزوفك
نطرنا الفرج فيكي بالدقيقه
يادار الاهل مامنقدر نعوفك
لأنو ترابك الطاهر عشقنا
بيموت الحب بموت العشيقه
بحروف الحالمه كتبناالقصيدي
طلبنا الفرج بالسنة الجديدي
دخيلك ع الاحبه لا تجوري
الفرح لديارنا للاهل عيدي
بيوت الاهل بيت وبيت زوري
طفي النار بقلوب الوقيدي
لحتى بطلتك يكمل حبوري
البلبل يخصك بنغمه فريدي
قولي ياليالي العز دوري
يسنبل زرعنا نبلش حصيدي
حلي عقدتي داري اموري
الكورونا تصيرعن ارضي بعيدي
على الميلين بنثرلك زهوري
وبرفع رايتك خضرا بأيدي
جاي الفرج حسسني شعوري
الدولار بينتهي مثل المجيدي
بنهوضك ياوطن كامن سروري
لانو الوطن مثل الام عنا
من دون ام عيشتنا نكيدي
تعليقات
إرسال تعليق