ردي الغرة:مقطوعه غنائيه بقلم بشرى عباس من سوريا

 #ردّي_الغرة

**********

بحياتِك بالله ردّي

ياحلوة ردي علينا

وانتِ هوانا تصدّي

تعبنا وتعبوا عينينا

ياحلوة شو يللي صار

هالزمن شو صار غدار

لاقينا ع باب الدار

بضحكة/ي بالله لاقينا

زرعنا بالحب مواعيد

وكل يوم عنا صار العيد

حِبِّينا لنو من بعيد

بحياة عينِك حبينا

وقعنا بِ هوى الحلوين

وحبَّينا هاك العينين

وماعرفنا انو تخمين

من المحبة قتلتينا

قطفنالِك وردات الدار

زرعنا بِ دَربِك ازهار

و بالحلا قلنا أشعار

ولما كبرتي نسيتينا

ياسمرة يا ام الشال

ع خدّك في أحلى خال

خالك ولا هاك الشال

زادِك حلا بعينينا

ياحلوة بالله ردّي

ليش تضلّي محتدّة

ردّي هالغرّة ردي

نظرة منك تحيينا

**************

#بشرى_عباس /15/1/2022/