رجعيني:محكية للشاعر سليمان ابو لطفي وسوف من سوريا
. رجعيني
ياريتك ياسنيني ترجعيني
لماضي مضى شاددني حنيني
خساره ماكنت عامل حسابي
يجي تشرين ويجعد جبيني
خساره ماكنت عامل حسابي
الهوا بتشرين يقضي عاشبابي
اجاني مسرع يدقدق بوابي
اذا مافتحت يادنيا اعذريني
هب الريح بكوانين قاسي
شعرا ماترك سودا براسي
نقطة خمر مابقيت بكاسي
شمالي صار يسأل عن يميني
ليالي عزنا صارت بعيدي
عبالي بتخطر ليالي الرغيدي
عليم الله لو يطلع بأيدي
الماضي بقول ردي ياسنيني
ارجع مثل ماكنت بزماني
شامخ شوف حالي بعنفواني
اسافه هيك ضيعت الاماني
يادنيا الشاعر المظلوم عيني
عيني والامل للشاب ردي
زيدي قوتي والريح صدي
منك يا الاهي كان بدي
نهاية عمر ماتمرق حزيني
حلمي العمر انهيه بسعادي
وشوف الخير عامم عا بلادي
وكحل ناظري بشوفة ولادي
بعدها وين مابدك خديني
تعليقات
إرسال تعليق